ТЕАТР САНЪАТИДА ТАСВИРИЙ ЕЧИМЛАР: ГЕОРГИЙ БРИМ ИЖОДИНИНГ УСЛУБИЙ ХУСУСИЯТЛАРИ

Abstract

Мазкур мақолада 1970–1980-йилларда Ўзбекистон театр санъатида самарали фаолият юритган театр рассоми Георгий Бримнинг ижодий мероси таҳлил қилинади. Муаллиф томонидан рассомнинг саҳна безаги, декорация ва костюм яратишдаги ўзига хос услуби, бадиий тафаккури ва эстетик қарашлари кенг ёритилади. Шунингдек, Брим ижодида миллий ва замонавий анъаналар уйғунлиги, саҳнавий маконни ташкил этишдаги инновацион ёндашувлар ҳамда унинг Ўзбекистон театр санъати ривожига қўшган ҳиссаси илмий асосда тадқиқ этилади. Мақолада рассомнинг айрим машҳур спектакллар устидаги ишлари мисолида унинг ижодий изланишлари ва бадиий ечимлари таҳлил қилиниб, театр рассомчилигида тутган ўрни баҳоланади.

Keywords

Театр рассомчилиги, Георгий Брим, саҳна безаги, сценография, декорация, костюм дизайни, бадиий тафаккур, театр санъати, Ўзбекистон театри, ижодий мерос, саҳнавий макон, эстетика.