TEMURIYLAR MEROSI JAHON MUZEYLARIDA: MADANIY DIPLOMATIYANING TARIXIY VA ZAMONAVIY OMILI

Abstract

Mazkur maqolada Temuriylar davri tarixiy-madaniy merosining jahon muzeylarida saqlanishi, o‘rganilishi va namoyish etilishi hamda uning madaniy diplomatiyadagi ahamiyati tahlil qilinadi. Temuriylar merosi O‘zbekiston hududidagi yodgorlik va muzey kolleksiyalaridan tashqari, dunyoning turli mamlakatlaridagi muzey, galereya, kolleksiya, kutubxona va ilmiy fondlarda saqlanayotgan qo‘lyozma, miniatyura, numizmatik material, amaliy san’at va boshqa artefaktlarda ham mujassamdir. Mustaqillikdan keyin Temuriylar tarixini ilmiy o‘rganish va xalqaro miqyosda targ‘ib etishning yangi bosqichi shakllanib, 1996-yilda Temuriylar tarixi davlat muzeyining tashkil etilishi jarayonida ushbu mavzu yanada dolzarb ahamiyat kasb etdi. Tadqiqotning maqsadi Temuriylar merosining jahon muzeylaridagi o‘rganilish jarayonini tarixiy va zamonaviy jihatdan yoritish hamda muzeylararo hamkorlikning madaniy diplomatiyadagi rolini aniqlashdan iborat. Tadqiqotda tarixiy-qiyosiy, muzeyshunoslik, manbashunoslik va tizimli tahlil metodlaridan foydalanildi. Natijada Temuriylar merosini aniqlash, ilmiy atributsiya qilish, kataloglashtirish, xalqaro ko‘rgazmalar va raqamli loyihalar orqali namoyish etish madaniy muloqotning muhim vositasi ekani asoslandi

Keywords

Temuriylar merosi, jahon muzeylari, madaniy diplomatiya, muzeyshunoslik, tarixiy-madaniy meros, muzeylararo hamkorlik, ilmiy tadqiqot, xalqaro ko‘rgazmalar.